臘腸扮义燒包

目標係想做义燒包, 但臨時家中沒有, 有兩節臘腸, 1節潤腸及一塊煎了的墨魚滑, 一於剪碎扮义燒啦.

換了低粉, 搓起來感覺都唔同D. 個種本來又好似活躍D.
但是因為我同時做緊糯米卷, 所以包包就給阿女幫手包.
點知佢包到好核突......但結果佢包個D就有爆口, 我包個兩個就唔爆囉.

糯米卷(老麵)

餡係前一天預備了的.

皮也跟上堂的, 不過今次真係用低筋粉了. 個種看起來比前一次的勁, 發到掂到個保鮮紙.
但就沒有老師說的漲到一個波.

個餡好軟熟, 味道OK, 同事吃了的COMMENT是同街的差不多啦.

嘩.....好高的評價呀! 不過我不是十分喜歡食糯米卷的, 所以這個星期食了幾日有點滯了.
餘下的看看送給饞嘴的伙伴吧.

义燒包與糯米卷

义燒包與糯米卷

雖然有學過, 但係做唔好, 而且好耐無做,又出去再學過.
老實說此家教學麻麻, 唔詳細,又好似當你咩都識,開始前又叫你唔明就問,問了又說食譜有寫(意思你叫你自己睇唔好問).

成品唔係話天呀~極品果個級數, 但都是合格的.

我的义包唔算係爆得好好的.

個糯米餡我好鍾意. 平時街的是冧慈慈的一撻的, 老師做的好乾身好.
這個料我回家做都做唔到, 可能蒸糯米放了太多水,這包法為了我方便做, 所以我唔做一盤過再切了.

上山學藝這次最開心係老師比埋個老麵種我地回家養. 眼見老師個種發得好好, 佢重比我睇發完個保鮮膜會漲起成個波咁.

養了兩晚, 我就無漲起一個波啦, 但都試做一次义包.

個餡我用了以前學做义燒酥時的食譜, 自己覺得合我味道多D.

阿女都話我呢個餡好食過老師果個.

可是......個皮就好差囉.

一點都唔爆不特止, 還唔鬆, 幾乎還衰過做饅頭.

當晚還把相片發去同學到問下....佢話老師說要麵種發了一個多月才用...我記得唔你咁, 人地酒樓日日做日日用啦.
想來想去唔通係我加大份量時計錯數? 無法啦....衰了還是要把它吃完的. 做了兩籠18細細個, 足足吃了我3天.

隔天養麵的粉用完了, 去開包新粉.....才發現我把中筋當低筋用了~

好吧, 又多個藉口比自己, 係因為粉的原因所以個皮唔爆, 我要再做過.
於是....可能今晚我會再戰糯米卷. 內餡昨晚已備好, 希望今晚唔好再失手啦.

2少9個月

8~9個月的2少
2餐固, 食到一個大人碗的份量, 時間通知在11:30, 5:30PM
3餐奶: 早上9AM-10AM, 下午2-3PM, 晚上7-8PM (夠奶時6OZ, 唔夠時4OZ)
埋身: 10:30PM, 半夜半睡半夢時, 早上7AM

試過的食材有:

西蘭花
翠玉瓜
中國南瓜
美國焗薯
中國薯仔
蕃薯
蛋黃
紫洋蔥
節瓜
菜心
雞肉
蘋果
芒果
啤梨
橙
香蕉
哈蜜瓜
榴槤一口
雪糕
紅豆雪條
白飯粒

唔係好肯飲水, 用緊第2階段水杯.
體重: 21~22磅, 好飄忽.

好喜歡自己爬, 會拱起PAT PAT爬, 這兩日還會用腳板爬.
又喜歡扶野企起身, 扶住行. 又想禽出網床. 用UNDERARM掛住雙臂用力襟個人上來, 雙腳又踩實網床網, 差點半個人仔走上來.
又試過住HIGH CHAIR SIR咗落地企挨住, 又會在BB車內自己逃生咁走甩咗, 真係嚇死人.
超翻身, 一眼唔睇住就爬咗去. 又愛拉個磅出來, 又愛拖風扇條電線出來.
現在成口唔鐘意就大大聲叫, 又呀呀聲大哎.

暫时便便暢通, 一天1~3次不定.

二少好可愛呀.

义燒包第二炮

種多發五日，入面粉後今次終於有蜂巢狀的面團，滿心期待它蒸好會爆得漂亮。可是卻沒有呀，我還多下了1克泡打粉。
餡是上次煮剩下，所以依然係唔夠汁。

綠茶皮义燒餡面包

發了幾日的中式種，拿來做面包，不知會如何。平時面包種高粉+水+酵母，今次中式包只有低粉+ 水。

入爐後 爆發力不足。